Blocked with Money
lacag ayaa loo Xanibay
| Khadarowen | Join Site |
Wasiirka Beeraha somalilnad oo markii u horaysay shaaca ka qaaday in laga beeraayo dalka bariis Hargeysa (Wasaaraddabeerahanews):-Wasiirka Wasaarada Beeraha Somaliland Aadan Axmed Cilmi [Dhoolayare] ayaa shaaca ka qaaday inay ku hawlan yihiin qorshe cusub oo ay dalkan Somaliland kaga beerayaan Biriis aan u baahnayn biyo badan oo dalal badan oo Qaarada Africa ku yaala lagu soo tijaabiyey, isla markaana waxa uu asteeyey maalinta cuntada Somaliland oo uu ku tilmaamay 10 December sanadkasta. Wasiirku waxa uu sidaa ku shee... Mar uu maanta u waramayey Shabakada Wararka ee Hadhwanaagnews oo ka xogwareysatay iyo arrimo kale. Wasiirka Aadan Axmed Cilmi [Dhoolayare oo ka hadlayey maalinta ay Somaliland u asteysay inay u aqoonsato maalinta cuntada dalka waxa uu yidhi “16 October waxa maalinkasta dunida looga dabaal-dega maalinta cuntada adduuna, waxa maanta sharaf noo ah inaan ku dhawaaqo maalinta cuntada Somaliland, oo aanu In-shaa Allaahu ka dhigi doono 10 December Sanadkasta, si loo qiimeeyo sanadkan wixii inoo qabsoomay ee inoo soo go’ay” “Maalinta 16-October ee Maalinta cuntada Aduunkana ay Goboladu tar-tan galaayaan sidii ay u soo saari lahaayeen cuntooyin ku filan” ayuu yidhi Wasiirka Wareysigiisa oo koobnaa. Wasiirku waxa uu ku dooday in intii ay qiimaynta wadeen inay sanadkan ku guuleysatay maalinta cuntada Somaliland degmada Gatiitalay ee Gobolka oodweyne oo aanu u qaban doono Xafladii. “Waayo waa meeshi Ugu horeysay ee cunto wada wadani ah na tustay ee noo sameysay, oo ay ka marmeen cuntadii dibada uga imanaysay”. Md. Aadan Axmed Cilmi waxa uu shaaca ka qaaday inay dalka dhawaan ka beri doonaan Biriis tijaabo ah, oo uu ku tilmaamay in ka dibada inooga imanaya lagaga maarmi doono, isaga oo arrintaa ka hadlayana waxa uu yidhi, “Maanta waxaanu idiin shee...naa in aanu hayno mashruuc kale oo tijaabo ah, oo Bariisa oo aan u baahnayn Biyo badan oo uu ku baxo Nerica Rice, waa biriis wanaagsan oo Africa lagu tijaabiyey dalalka Sera-lion, Liberia, Ghana, Yuganda, Ethiopia, oo inagana [Somaliland] imika ina soo gaadhay” Wasiirka Beeruhu waxa carabka ku adkeeyey Gobolada ay u qorsheeyeen inay Beerista biriiska ka bilaabi doonaan, isaga oo arrintaa ka hadlayana waxa uu yidhi Hargaysa Biriiska waxaa beeristiisa waxaanu ku tijaabin doono Gobolada Togdheer, Saaxil, Maroodi-jeex Iyo Awdal, degmada Gatiitalayna ee Gobolka Oodweynana ka mid ayey noqonaysaa. Waana bariis wanaagsan oo marka uu dalkeena ka baxo waxa uu noqonayaa wadani, taas inshaa Allaahu dhawaan ayaanu bilaabaynaa, waana mashruuc innagu cusub. Waanuna ku guuleysan doona haddii Ilaahay yidhaahdo.” Arrintan uu Wasiirka Beeraha Somaliland Aadan Axmed Cilmi Dhoola-yare ka dhawaajiyey maanta ayaa waxay noqonaysaa markii ugu horeysay ee Somaliland laga beero biriis oo ka mid ah cuntada quutal-daruuriga ah ee ay dadyowga adduunku isticmaalaan. Wasiirka Beeraha iyo Agaasimaha guud ee wasaaqrada beeeraha iyo Wafti ay horkacayaan ayaa Ka fuliyay mashaariic Degmada Saylac Hargaysa (wasaaraddabeeragnews ;)Wasiirka Wasaarada Beeraha ee Somaliland Mr.Aadaen Axmed Cilmi iyo wafti uu horkacayo oo kala ah Agaasimaha Guud ee Wasaarada Beeraha C/qaadir Jibriil Tukaale, Hayadaha UNHCR,WFP,CARE,FOA iyo Hayada Wadaniga ah ah ee ADO(Agricalture Development Organization) ayaa dhawr mashruuc ka furay degmada Saylac maalintii Salaasadii, 29 Jan. 2007. Mashaariicdan oo loogu talo galay dadkii dib looga soo celiyay Qoxootiyada, Waxaa maalgelisay Hayada UNHCR waxaana fulisay ADO, waxa kale oo ay iska kaashadeen WFP, Mashaariicdani waxay ka koobnaayeen, Ilaalinta Deegaanka, Biyo soo saar, Samaynta Kiinaalada Waraabka beeraha,Kordhinta wax soo saarka dadka iyo samaynta gudiyada Bulshada. Waa Siddee Xaalada Wasaarada Beeraha Afartii Sanadood Ee la Soo Dhaafay? Hargaysa (wasaaraddabeerahanews )Wasiirka Wasaarada Beeraha Somaliland Md. Aadan Axmed Cilmi(Dhoolaye), oo xilka Wasiirnimo hayay muddo Afar sanadood iyo dheeraad ah,ayaa muddadii uu xilka hayay wuxuu muujiyay dedaal horleh oo uu wasaaradaasi oo ka mid ahayd kuwa ugu liita uu kor ugu soo qaaday heerka adeegeeda, oo waxyaabaha hoos u dhigay ay ka mid ahayd miisaaniyad yarida hadhaysay oo wasaarada ka garbo duubtay inay ka libkeento waajibaadeeda shaqo ee baaxada badan ee horyaala. Wasiirku wuxuu bilaabay qorshe iyo jawi uu ku kasbanayo Haayadaha gacan-saarka shaqo la leh Wasaarada Beeraha, waxaanu haayadaha culays ku saaray inay tababaro xirfadeed oo kala duwan ay u fidiyaan beeralayda dalka, si loo tayeeyo caafimaadka dalagyada Beeraha ee wadaniga ah. Wasiirkani wuxuu kuwii ka horreeyay kaga duwan yahay wuxuu juhdi iyo dedaal badan geliyay in beeralayda lixda gobol ee dalka la siiyo tababaro aad u badan, oo lagu dhisayo aqoonta xirfadeed ee beeralayda, tusaale ahaan hore uma aan aqoon sida ugu haboon ee loo baahan yahay in wax loo beerom haddase waxaan qaatay tababaro badan oo waxaan Aniga iyo carruurtayduba xirfad u yeelanay wax beerista,?Sidaas waxa yidhi Nuur Cismaan, oo ka mid ah beeralayda dalka, oo dhawaan mar uu tababar u yimid Hargeysa iiga waramay muhiimada uu tababaradu u leeyihiin. Wasiirkayga ninkii Waxqabadkiisa doonayaa ha booqdo xarunta dhismaha Wasaarada beeraha, sanado ka hor waxay ahayd meel dhisme gaboobay oo aan ka turjumayn muuqaal dawladeed, haddana waxaanu nahay mid ka mid ah wasaaradaha ugu dhismaha iyo xafiisyada bilicda badan dalka. Waa tallaabo horu-socod leh oo aanu ku ammaanay Aadan Axmed Cilmi,?sidaasi waxa yidhi mid ka mid ah shaqaalaha wasaarada Beeraha oo aan khamiistii kula kulmay Mukhaayada bunka laga cabo ee ku taalla Wasaarada horteeda kaasi oo dalbaday inaan magaciisa la shaacin. Wasiirka beerahu waxa kale oo uu mudadii uu joogay xafiiska uu dhiiri geliyay dhiqista shinida, oo uu tababaro uga soo qaaday Haayadaha Wasaarada la shaqeeya, kuwaasi oo dad beeralay ah siiyay tababaro la xidhiidha dhiqista shinida. Muddo dhawr sanadood ah ka hor ma aan aqoon sida loo dhaqdo shinida ee waxsoosaarka malabka loola soo baxo, hase ahaatee Wasiirkayaga oo aad u daneeya beeraha ayaa garab istaagay shakhsiyaad isku dayay inay dhaqdaan shinida waxaanu tababaro badan uga soo qaaday Haayada FAO, imika waxaan masaariifsanaa oo nolol maalmeedkayaga kala soo baxnaa malabka,?Ayuu yidhi Caydaruus Cismaan, oo ka mid ah dadka ka faa?iidaystay mashruucan ee dhaqaaluhu ka soo galo qoyskooda. Xukuumada Somaliland waxa hor yaala inay taageerto Wasaarada Beeraha Somaliland oo ay u taallo hawlo baaxad weyn leh oo ah inay wasaaradu ka shaqayso dhiiri gelinta beeralayda, si kor loogu qaado wax-soosaarka beeraha loogana midho dhaliyo riyada ah in Somaliland ay mustaqbalka cunto ahaan ay isku filaato oo ay ka kaaftoonto raashinka dibadeed ee ay ku tiirsan tahay Waxa kale oo qabyooyinka wasaarada Beeraha hor yaala ka mid ah in la sameeyo biyo xidheeno waaweyn oo lagu joojinayo qul-qulka biyaha roobka, oo haddii la hirgeliyo fursad u siin lahayd beeralleyda inay laba jibaaraan waxsoosaarkooda. Sida loo abuuri lahaa biyo xidheenadu waxa dad badani aaminsan yihiin inay ku xidhan tahay istaraatajiyad qaran oo ka baaxad weyn Wasaarada Beeraha, oo ka mid ah wasaaradaha ugu miisaaniyada yar Haayadaha dawlada haddana laga sugayo waajibaad cul-culus oo saamayn ku leh nolosha iyo cunada mujtamaca reer Somaliland, hase ahaatee waxa Wasaarada looga fadhiyaa inay isku dubo rido, warbixin dheer oo ku saabsan baahida loo qabo biyo xidheenada, inta meelood uu baahan in la hirgeliyo, iyo odoraska miisaaniyadeed ee ku bixi kara biyo xidheeno laga sameeyo gobolada Somaliland. Xukuumada Somaliland-na waxa u yaala inay kor u qaado miisaaniyad saneedka wasaarada Beeraha Somaliland oo aan dhaafi karin guno iyo mushaharka shaqaalaha oo qudha, oo loogu darro kharashaad ay wasaaradu ku fuliso mashaariic yar yar oo Beerallayda lagu bidhi-taarayo. Wasiirka Beeraha waxa kale oo uu xidhiidh adag la leeyahay Jaaamacada Cammuud, oo uu taageero maskaxeed iyo mid farsamo uu la garab istaagay waxaanu dhiiri geliyay 60 arday oo ka baxay kulliyad beeraha ee jaamacadaasi, waxaanu ardaydaasi ku sifeeyay midho u soo baxay wasaaradiisa oo ay kaashan doonaan. Waxa ra?yul caamka bulshada Somaliland ay u qabaan in Wasiirka Beeraha Somaliland oo ah nin dhalinyaro ahi uu yahay mid ka mid ah Wasiirada indhaha ummaddu qabanayaan ee shaqaynaya isla markaana ah mid ka mid Wasiirada qurbaha ka yimid ee tusaalaha fiican noqon kara. W/Beeraha oo Xadhiga ka jaray Mashaariic ka Socotay D/Habaas, Aroorseed iyo Daraya-Dheere oo ka Tirsan D/Saylac Wasiirka W/beeraha ee S/land Aadan Axmed Cili oo xadhiga ka jaraya Mashruuc ka mid ah mashaariicda laga hirgaliyey Degmada Saylac. Hargaysa(wasaaraddabeerahanews), 29 Jan. Wasiirka Wasaarada Beeraha ee Somaliland Mr. Aadaen Axmed Cilmi iyo wafti uu horkacayo oo kala ah Agaasimaha Guud ee Wasaarada Beeraha C/qaadir Jibriil Tukaale, Hayadaha UNHCR, WFP, CARE, FOA iyo Hayada Wadaniga ah ah ee ADO (Agricalture Development Organization). Mashaariicdan oo loogu talo galay dadkii dib looga soo celiyay Qoxootiyada, Waxaa maalgelisay Hayada UNHCR, waxaana fulisay ADO, waxa kale oo ay iska kaashadeen WFP, Mashaariicdani waxay ka koobnaayeen, Ilaalinta Deegaanka, Biyo soo saar, Samaynta Kiinaalada Waraabka beeraha, Kordhinta wax soo saarka dadka iyo samaynta gudiyada Bulshada. Hayada ADO madaxa u qaabilsan mashruucan Siciid Warsame ayaa ka warbixiyay sida Ururukoodu u Qabtay hawshan, wuxuuna sheegay in ay ka fuliyeen deegaanka Habaas 1000 mitir oo kanaal ah, Habaas waxa degen 480 qoys oo beeralay ah, Mashuuraca ayay bilaabeen ADO 2005 ilaa 2006, meesha waxaan ugu nimid ayauu yidhi madaxa mashaaruucu 25 beerood, maanata waxaa jira 150 beerood,Kiinaalku wuxuu gaadhi karaa 3000 mitir ayuu yidhi Mr Siciid. Deeganadaas waxa kale oo loo qaybiyay Mashiinada beeraha, waxa kale oo ADO tababr sii say Beeralayda, tababarkaas oo ku saabsan habka wax beerista iyo wacyi gelinta bulshada ee dhanka wax soo saarka beeraha. Xubin ka mid ah deegaanka Habaas ee loo sameeyay Mashruuca ayaa aad uga mahad celiyay sida hayada ADO waxqabadka ugu samaysay, waxa kale oo u mahadnaqaya UNHCR iyo WFP, wuxuu intaas ku daray in deegaankan dadkii ku soo badanayaan markii ay maqleen in biyo laga helay iyo in la bilaabay dhulbeereed biyo leh, waxaanan idinka codsanaynaa in aad noo sii balaadhisaan mashruucan, waxa laga kala yimid ilaa imika sida uu sheegay Xubintaasi deegaanada Cali-Cade,Casaame,Dhegagoo iyo Ayshaca,Matoorada waan ka faaiidaysanay waxaas oo dhana waxaa ku helay ayuu yidhi Nabadgelyada. Dhanka kale waxaa Mashriicdan laga qabtay Daraya-dheere oo deegaankaas isaga laga fuliyay Kanaal dhererkiisu yahay 4000 mitir, waxaana dhamaan mashaariicdaas xadhiga ka jaray Wasiirka Beeraha oo ay weheliyaan Agaasimaha Wasaarada, Gudoomiyaha degmada Saylac iyo hayadaha UNHCR, WFO, CARE iyo FAO wuxuuna wasiirku uga mahadceshay Hayadaha deeqda bixiyay iyo ADO dhamaanba sida fiican ee ay u qabteen mashraariicdan, dadweynihii deegaanadaas ahaana wuxuu ku dardaaray in ay ilaashadaan isla mar ahaantaana ka faaiidaystaan waxqabadka loo sameeyay. Mid ka mid ah dadka beeraha loo sameeyay ee deegaanka Daraya-dheere ayaa u sheegay Wasiirka iyo Hayadaha in deegaankoodu sanadka 2010ka ay bixin doonaan deeq, taas oo ay u saamxayday waxqabadka loo sameeyay. Xasan Nuur Maxamuud oo ka socda Hayada CARE oo aan kula kulanay goobtaas ayaa isna noo sheegay in haydoodu ka qabatay deegaanadan Dugsiyo ay ka samaysay Dugsi sare oo ah Xariirad, C/qaadir oo ay dib u habanyn ku samaysay aqalada Macalimiinta, 17 dugsi oo ku yaal saylac iyo Lughaya oo ay tabartay Gudiyadooda oo gaadhaya 80 iyo 64 macalin. Waxayna u qaybisay dhamaan dugsiyadaas qalabyada macalimiintu wax ku barto ardayda iyo qalabka lagu ciyaaro, Xasan Nuur wuxuu intaas ku daray in ay wax ka qabteen dhanka Caafimaadka, oo ay Daawooyin u qaybiyeen dhamaan rugaha Caafimaadka ee Saylac iyo Lughaya Waxaan dhisnay ayuu yidhi shan rug Caafimaad oo ku kala yaal, Habaas, Asha cada,Ceelgaal,Toqoshi iyo Karuure.Qalab shaybaadh oo aan siinay MCHyada Xariirad, MCH C/qaadir, MCH lughaya iyo MCHka Saylac. Qaar ka middadweynaha jiidaas degan oo cayaar ugu soo banaanbaxay furitaanka mashaarida ka socotay Daraya- Dheere Mashaariicda Laga hirgaliyey Dixda Habaas Mid ka mid ah beeraha Habaas Dixda Habaas iyo dur-durka biyaha oo socda. Wasiirka beeraha iyo madaxda kale ee la socota oo dhulmaraya Kanaalka biyaha ee xadhiga laga gooyey. Qaar ka mid ah dadka degan Habaas oo dulmaraya kanaalka biyaha ee laga dhisay Habaas Source: wasaaraddabeeraha.webs.com Khadar Abdi Elmi hargiesa somaliland khadarowen@hotmail.com khadarowen@yahoo.com Tell:002522-4410814 
| All Members (3) |
|
Booqashada Website-ka
Halkan Ka Daawo Wararka iyo Barnaamujyada ugu Dambeeyay
U Codee Wax Qabadka Wasaaraddaha
Wax Qabadka Totobaad laha ah
wasiirka wasaaradda beeraha somaliland oo Faahfaahin ka Bixiyay Recordka ay ka hayso wasaaradda beeruhu saadasha hawada,
Maanta : 17/01/2010
Hargaysa ( wasaaradda beeraha news ) wasiirka wasaaradda beeraha oo maanta xafiiskiisa ku qabtay shir jaraaiid oo ay kaga hadlaayeen saadasha hawada ee bishan ugu JANUARY ee qabowga badani jiray . wasiirku mar uu ka hadlay sadasha hawada wuxuu yidhi, waxaan dadka u sheegaynaa inay wasaaradda beeraha masuul ka tahay cabirka ama qiyaasaha tempereture ka sida aynu cuntada uga masuul nahay. hadaba hadaynu eegno report-dadii hore ee heerkulka somalia magaalada LUUQ waxaa la yidhaahdaa magaalada ugu kulul somalia ama aduunka waxay gaadhay 51 degree , hadaynu soo qaadano qabawyada wakhtiyada la qoray 89kii waxaa la yidhaahdaa way soo kululaanaysaa inkas too ay rumaysan yihiin khuburada qaarkood muddo laga jooga 200 oo sanadood ka horba ama muddo ka horaysayba cimiladu aduunku ay sidaa u kululaanaysay ee aanay kaba taxaaluuqiba wax yaabaha dalalkan waaweyn ee warshada leh ay yidhaahdaan waxaanu rakibaynaa naqaska ama qiiqa warshadaha oo ay khuburada qaarkood ku doodayaan madaama qarnigii 20naad warshaduhu bilaabmeen xoogoodu inay qiyaasta kulaylku ay soo kordhayeen 1800 iyo 1900 marwalba ay soo badanaysay hadaba hadaynu soo qaadano 30 sano ka hor mararka qaarkood reportada la qoraayo ee ay somalia soo saareen ,ceerigaabo kale waxay ahayd in january ay ahayd -3.3 ( saddex bay ka hoosaysay dhibic saddex ) ceerigaabi JANUARY oo ah Qabow aad ah. hargaysa waxay noqotay wakhtiyadaa 30 sano laga joogo -1.1 (hal dhibic hal ayay ka hoosaysay ) bhadab qabawgan ay dadku ka cabanayaan waxay ahayd +3 degree Centigrade waxaynu og nahay inay hargaysa ku jirto GOD hadaba meteorologyga halkan noogu rakiban inamada qoraa waxay qoraan xiliyada kala ah 6:00 subaxnimo iyo 6:00 habeenimo. markaa 12 january 2010 6:00 subaxnimo waxay ahayd +3 degree Centigrade halka Torobso ( Torobso waxa weeyaan aduunka waqooyigiisa ama cidhifka ugu dambeeya ee norway ) waa magaalada ugu qabow ama ay ka mid tahay meelaha ugu qabow caalamka maalintii 12kii january ay hargaysa ka hayd +3 torobso waxay ka ahayd +8 degree Centigrade lagana qiyaasi karo ,markay torobso ay tahay +8 degree Centigrade hargaysana ay tahay +3 degree Centigrade waxa weeyan qabaw badan aynu xasuusnaano inay mar noqotay hargaysa -1 degree Centigrade waliba waxaan aamin sanaan lahaa hadii la cabirilahaa 3:00 habeenimo inay ahaan lahayd ( maynis) halka ay cabirkaa aynaan ka qaadan masalaha ama meelaha sare ee hargaysa madaama ay hargaysa god ku jirto waayo anigu waxaan dareemay bowogii ka dhici jirtay norway ayaan hargaysa ku dareemay
source : wasaaradda beeraha news
khadar abdi elmi
khadarowen@hotmail.com
Tell: 4410814
Wararka Dalka
Isbidelka Cimliladda Aduunka oo saamayn weyn ku yeeshay jamhuuriyadda Somaliland
Maanta 13/01/2010
Sida uu cadaynayo xafiiska la socodka saadaasha hawadda ee xanuntiisu tahay wasaarada beeraha inuu sanadkan cusub ee 2010ka la kowsadey isbedel weyn oo xaga cimilada ah kaa soo sababay qabaw xad dhaafa sida maalmahan ka muuqatay jawiga oo samayn weyn ku yeeshay dhamaan gobolada iyo degmooyinka dalka.
Sida uu cadaynayo xafiiska la socodka iyo xog ururinta saadaasha hawadda ayaa cadaynaya inuu illaa labadii usbuuc ee la soo dhaafay ay ahaayeen kuwii ugu qabawga badnaa inta la ogyahay amaba lala socday iayadoo xadka Tempareture uu aad uu hooseeyey ilaa uu gaadhey meel aanu waligii horeba u gaadhin islamrkaa xafiiska la socodka sadaashu hawadau ku muujiyey mid aan hore loo arag wadanka Somaliland inta la ogyahay .
Waxaase ugu daraan qabawgaasi meelaa aadka jooga dheer u leh walibana aad ha u sii kala daraadeenene sida Hargeysa ,Boorama, Ceerigaabo, iyo degmada Togwajaale, taasi oo ay daku hadal hayaan yar yar iyo waa weynba .
Hadaba sida ay cadaynayaan xafiiska lacodka saadaasha hawada waxaa ay isbuucii la soo dhaafay heerka qabawga gaadhey ugu hooseyn 9 degree Centigrade _8degree Centigrade _7 degree Centigrade kaasi oo la kowsadey sanadkii cusbaaba , waxaanay dhacady xalay oo bishu ahayn 12/01/2010 inay isla mar kaliya gaadho heerka temperature ku mar kaliya 2 degree Centigrade _3 degree Centigrade oo qabawgii ugu hooseeyey ee ka dhacay dalka taasi oo wax weyn ka bedeshay tamarta iyi dhaqdhaqaaqadadka gobolada iyo degmooyinka miyi iyo magaaloba kuna haysa wax yeelo weyn .
Hadaba warbixinta xafiiska sadaasha hawadu waxay saadaalinayaa inay illaa usbuuca soo socda inay sii socon doonto , hadaba waxaa lala socodsiinayaa inay ka taxadaraan una gaashaantaan iyo inay dhamaan bulshada tamarta daran la taageero loona naxariisto , walibana shaqaalaha iyo dadka iskuulada tegayana dib loo farsameeyo waqtiga shaqada inta ay socoto dhaxanta aadka u qaboobi madaama aanay bulshadu horay u baran is bedelkan deg dega ah
Cabdiqani yuusuf cabdi (Mr Galaydh)
Director of Meteorology Hargeysa MOA
Address: jfgalaydh@yahoo.com
Tell: 4453056 OR 65453056
Gudaha Wasaraadda beeraha oo laga hir galiyay mashruuc
Maanta 29/12/2009
Hargaysa ( wasaaradda beeraha news )Mashruucan oo ahaa beer laga dhex sameeyay oo loogu tala galay xanaanayta siidhka, iyo tijaabada mashruuca BARIISKA oo haatan ka dhex socda wasaaradda beerah dhexdeeda ,kuwaas oo ay iska kaashadeen Hayada FAO iyo MOA, Dhirtan oo isugu jirta LIIN( ORANGE ) & CANBE ( MANGO ) oo lagu soo tijaabiyay wadamada KENYA iyo qaar kale oo africa ka mida, waana dhir si dhakhso ah u baxaysa muddo gaaban, hadaba waxaa la hir galin doona 5000 oo seed oo loo qaybindoono degmooyinka dalka
Wasiirka oo mar u waramaayay shabakadan ayaa xaqiijiyay in liintan iyo canbahan oo tiradoodu dhan tahay 5000 oo geed oo hadii dalka laga beero si dhakhso ah u bixi doonan lagana maarmi doono khutaarta laga keenaayo dibadaha,taas oo ah haorimarka ay ku tala jirto wasaaraddu in ay ka haqab tirto dalka wax soo saarka ee dalaga iyo midhaha ayaa haatan wasaaradda beeruhuu wayxay bilawday mashruucan ee ay ku dardar galinayso dhinaca wax soo saarka dhawaanan la gaadhsiin doono dhamaan gobolada iyo degmooyinka iyo dhamaan beeralayda ku hawlan wax soo saarka dalka
intaa ka dib waraysi kooban oo uu wasiirka wasaaradda beeraha jsl Mudane Adan Axmed Cilmi (dhoolayare ) ayuu sheegay in tijaabadani ay hir galinayso wasaaradda beeruhu iyadoo ku kaabaysa ilaha dhaqaale ee wax soo saarka dalka dhinaca dhaqaalaha iyo dhinaca meceeshadaba iyada oo wasaraddu ku hawlan tahay sidii ay wax yaalo badan dalka ugu hori marain lahayd ayna hiigsanaso in laga kaaftoomo dhamaan khudrada iyo raashinkaba iyo wixii dabada inooga yimaadaba .
hadaba mashruucan oo ka mid ah mashaariic badan oo ay dalka wasaaradda beeruhu hore u gaadhsiisay kuwa imika socda iyo kuwa badan oo ay ku talo jirto dhawaaan inay ka hir galiso dalka .si ay wax soo saarka dalku u hori maraan
Source: wasaaradda beeraha news
Khadar Abdi Elmi
Tell:002522-4410814
Wasiirka Beeraha somalilnad oo markii u horaysay shaaca ka qaaday in laga beeraayo dalka bariis
Maanta 10/12/2009
Hargeysa (Wasaaraddabeerahanews):-Wasiirka Wasaarada Beeraha Somaliland Aadan Axmed Cilmi [Dhoolayare] ayaa shaaca ka qaaday inay ku hawlan yihiin qorshe cusub oo ay dalkan Somaliland kaga beerayaan Biriis aan u baahnayn biyo badan oo dalal badan oo Qaarada Africa ku yaala lagu soo tijaabiyey, isla markaana waxa uu asteeyey maalinta cuntada Somaliland oo uu ku tilmaamay 10 December sanadkasta.
Wasiirku waxa uu sidaa ku shee... Mar uu maanta u waramayey Shabakada Wararka ee Hadhwanaagnews oo ka xogwareysatay iyo arrimo kale.
Wasiirka Aadan Axmed Cilmi [Dhoolayare oo ka hadlayey maalinta ay Somaliland u asteysay inay u aqoonsato maalinta cuntada dalka waxa uu yidhi “16 October waxa maalinkasta dunida looga dabaal-dega maalinta cuntada adduuna, waxa maanta sharaf noo ah inaan ku dhawaaqo maalinta cuntada Somaliland, oo aanu In-shaa Allaahu ka dhigi doono 10 December Sanadkasta, si loo qiimeeyo sanadkan wixii inoo qabsoomay ee inoo soo go’ay”
“Maalinta 16-October ee Maalinta cuntada Aduunkana ay Goboladu tar-tan galaayaan sidii ay u soo saari lahaayeen cuntooyin ku filan” ayuu yidhi Wasiirka Wareysigiisa oo koobnaa.
Wasiirku waxa uu ku dooday in intii ay qiimaynta wadeen inay sanadkan ku guuleysatay maalinta cuntada Somaliland degmada Gatiitalay ee Gobolka oodweyne oo aanu u qaban doono Xafladii. “Waayo waa meeshi Ugu horeysay ee cunto wada wadani ah na tustay ee noo sameysay, oo ay ka marmeen cuntadii dibada uga imanaysay”.
Md. Aadan Axmed Cilmi waxa uu shaaca ka qaaday inay dalka dhawaan ka beri doonaan Biriis tijaabo ah, oo uu ku tilmaamay in ka dibada inooga imanaya lagaga maarmi doono, isaga oo arrintaa ka hadlayana waxa uu yidhi, “Maanta waxaanu idiin shee...naa in aanu hayno mashruuc kale oo tijaabo ah, oo Bariisa oo aan u baahnayn Biyo badan oo uu ku baxo Nerica Rice, waa biriis wanaagsan oo Africa lagu tijaabiyey dalalka Sera-lion, Liberia, Ghana, Yuganda, Ethiopia, oo inagana [Somaliland] imika ina soo gaadhay”
Wasiirka Beeruhu waxa carabka ku adkeeyey Gobolada ay u qorsheeyeen inay Beerista biriiska ka bilaabi doonaan, isaga oo arrintaa ka hadlayana waxa uu yidhi
Hargaysa Biriiska waxaa beeristiisa waxaanu ku tijaabin doono Gobolada Togdheer, Saaxil, Maroodi-jeex Iyo Awdal, degmada Gatiitalayna ee Gobolka Oodweynana ka mid ayey noqonaysaa. Waana bariis wanaagsan oo marka uu dalkeena ka baxo waxa uu noqonayaa wadani, taas inshaa Allaahu dhawaan ayaanu bilaabaynaa, waana mashruuc innagu cusub. Waanuna ku guuleysan doona haddii Ilaahay yidhaahdo.”
Arrintan uu Wasiirka Beeraha Somaliland Aadan Axmed Cilmi Dhoola-yare ka dhawaajiyey maanta ayaa waxay noqonaysaa markii ugu horeysay ee Somaliland laga beero biriis oo ka mid ah cuntada quutal-daruuriga ah ee ay dadyowga adduunku isticmaalaan.
Source: wasaaradda beeraha
Khadar Abdi Elmi
wasaaraddabeeraha.webs.com
hargiesa somaliland
khadarowen@hotmail.com
khadarowen@yahoo.com
Tell:002522-4410814